குழந்தையை வளர்ப்பதில் முக்கிய பங்கு வகிக்கும் ஆன்மீக கல்வி
திருச்சிற்றம்பலம்
அன்பார்ந்த பக்தர்களே
💓 நமக்கு இன்று மிக முக்கிய தேவை ஆன்மீக கல்வி. ஆன்மீகத்தில் இருக்கும் போது நாம் நம்மை அறிகிறோம் . நாம் நம்மை அறியும் போது எந்த வித தீங்கும் ஏற்படுவதில்லை. பக்தி மார்க்கம் என்பது இறைவனை அடைவதற்கு மட்டும் சிறந்த வழி அல்ல. நாம் நம்மை தெரிந்து கொள்வதற்கும் பயன்படுகிறது.ஆதலால் தான் நமது இலக்கியங்களில் முதலாவதாக கடவுள் வாழ்த்தை கொண்டு தொடங்குகின்றன. அப்படிப்பட்ட ஆன்மீகத்தில் தமிழ்க்கடவுள் என்று அழைக்கப்படும் முருகனின் பிறப்பு ரகசியங்களை அறிந்து கொள்ள செய்யும் மந்திரமான கந்த சஷ்டியை வழிபாடு செய்வது அவசியம். நாமும் நமக்கு பின் வரும் சந்ததியினருக்கும் இது பற்றி தெரிவது மிகவும் அவசியம். வளர் இளம் தலைமுறையினருக்கு ஆன்மீக கல்வியை அளிப்பதன் மூலம் ஒழுக்க சிந்தனையுள்ள ஒரு வலிமையான சமுதாயத்தை நம்மால் நிறுவ முடியும். அன்பர்களே , குழந்தைகள் சமய சின்னங்களை அணிய விருப்பப்பட்டால் தடுக்காதீர்கள். உதாரணமாக சிறியதாக திருநீறு பூசுவது , ருத்ராக்ஷம் அணியும் போது இந்த இன்னும் உனக்கு வயது இருக்கு என்று சொல்லி தடுக்காதீர்கள்.
💓 உரிய குருவைத் தேடுங்கள். அதை உங்களது குழந்தைகளுக்கும் கற்றுக்கொடுங்கள். குருவின் மீதான அன்பு , பக்தியை சொல்லி வளருங்கள். வயதானவர்களுக்கு சேவை செய்யும் மனா பக்குவத்தை சிறு வயதிலிருந்தே கற்றுக்கொடுங்கள். இதுவெல்லாம் ஆன்மீக கல்வியின் அடிப்படையில் வந்து சேரும். நிறைய கதைகளை சொல்லி வாருங்கள். அது குழந்தைகள் தனது பாதையை தேர்ந்தெடுக்க வழி வகுக்கும்.
💓சத்ரபதி சிவாஜி மகாராஜாவுக்கு அவரது அன்னை கதை சொல்லி வளர்ப்பார்களாம். இப்படி மிக உன்னத நிலையில் இருப்பவர்கள் அனைவரும் ஆன்மீக கதைகளை கேட்டு வளர்ந்தவர்கள். குறிப்பாக ராமாயணம் , மஹாபாரதம்.... இவை இரண்டிலும் வாழ்க்கை தத்துவங்கள் மிக அதிகம்.
💓மேலும் நமது கலாச்சாரங்கள் , பாரம்பரிய முறைகள் அனைத்தையும் கைவிடாமல் பேணிப்பாதுகாக்கும் எண்ணத்தையும் வளர்க்க வேண்டும். என்று நமது கலாச்சாரங்கள் அழிய ஆரம்பிக்கிறதோ அங்கிருந்து நாம் நம்மை அழித்துக் கொண்டிருக்கிறோம்.
💓அன்பர்களே நீங்களும் உங்கள் சந்ததியும் நலமுடன் வாழ ஆசைப்பட்டால் அருகில் கோவில்களில் நடக்கும் ஆன்மீக பேச்சாளர்களின் சொற்ப்பொழிவிற்கு அழைத்துச்செல்லுங்கள். அது மேலும் நற்சிந்தனையை வளர்க்கும்.
ஆன்மீகத்தின் இலக்கு நமது வாழ்வை சீரமைப்பதே. நலம் பெறுவோம்
கந்த சஷ்டி ஏழு நாள் விழா இங்கு ஏழாவது நாள் என்பது திருக்கல்யாண வைபவம் இந்த கந்த சஷ்டி நாளில் ஆறு நாட்கள் விரதம் இருந்து ஏழாம் நாள் திருக்கல்யாண வைபவம் பார்ப்பது மிக சிறப்பு . இந்த ஆறு நாட்களைப்பற்றி படிக்கலாமே நாம் .
Comments
Post a Comment